Türkiyə Milli Müdafiə naziri Hulusi Akar hazırda Ankarada səfərdə olan NATO-nun Hərbi Komitəsinin sədri, general Stüart Piçlə görüşüb.
Bu barədə Türkiyə Milli Müdafiə Nazirliyi məlumat yayıb.
Tərəflər Aralıq dənizinin şərq hissəsində baş verən prosesləri, NATO Baş katibinin məsələ ilə bağlı təşəbbüsü və Alyansa aid digər mövzuları müzakirə edib.
Qeyd edək ki, qəbulun NATO Baş katibi Yens Soltenberqin Yunanıstan və Türkiyə arasında texniki danışıqların başlanması ilə bağlı açıqlamasından sonra reallaşması diqqət çəkib.
