Əfqanıstanın şimalındakı Kunduz əyalətində fəaliyyət göstərən mədrəsədə partlayış olub.
Nəticədə 5 azyaşlı həlak olub, 4-ü yaralanıb.
Bu barədə "Tolo News" kanalı ölkənin Daxili İşlər Nazirliyinə istinadən məlumat verib. Kanalın xəbərinə görə, partlayış ABŞ-ın "Taliban" qruplaşması ilə barışıq sazişi bağlamaq səyləri fonunda baş verib.
Partlayışla bağlı məsuliyyəti heç bir qruplaşma öz üzərinə götürməyib.
Qeyd edək ki, ABŞ dövlət katibi Mayk Pompeo son bir neçə gündə ABŞ və "Taliban" danışıqlarında olduqca əhəmiyyətli bir irəliləyiş əldə edildiyini bildirmişdi.
