Əfqanıstanın Kabil şəhərində döyüş klubunda partlayış baş verib.
GunAz.az-ın “RİA-Novosti”yə istinadən verdiyi xəbərə görə, bu barədə Əfqanıstan Səhiyyə Nazirliyi məlumat yayıb.
“Tolo News” telekanalının xəbərinə əsasən, paytaxtın 13-cü məhəlləsində törədilən partlayış nəticəsində 4 nəfər ölüb, 18 nəfər xəsarət alıb.
Əfqanıstan Daxili İşlər Nazirliyinin rəsmisi Nəcib Daniş bildirib ki, partladıcı qurğu terrorçu kamikadze tərəfindən işə salınıb.
Hələlik heç bir silahlı qruplaşma hadisənin məsuliyyətini öz üzərinə götürməyib.
