Aralıq dənizində müəyyən qüvvələrin Türkiyəni məhdudlaşdırmaq cəhdləri Şimali Kipr Türk Cümhuriyyəti və Liviya arasındakı razılaşmalar sayəsində uğursuz oldu. Bu gün Ankara əleyhdarları Ankara və Tripoli arasındakı razılaşmalarının əhəmiyyətini aşağı salmağa çalışırlar. GunAz.az-ın verdiyi xəbərə görə bunu Türkiyə Prezidenti Rəcəb Tayyib Ərdoğan bölgədəki vəziyyəti şərh edərkən deyib.
Onun sözlərinə görə, türk qoşunlarının Liviyaya göndərilməsi Liviya tərəfinin dəvəti ilə həyata keçirilib.
Ərdoğan, Türkiyə ilə Liviyanı birləşdirən tarixi bağlara diqqət çəkib.
"Liviya, əcdadlarımızın qəhrəmanlıq nümayiş etdirdiyi bir diyardır. Türkiyə İraq, Suriya və Aralıq dənizindəki maraqlarını müdafiə etməyə davam edəcək. Ankara maraqlarından imtina etməyəcək və istənilən qüvvəyə qarşı durmağa hazırdır. Qələbəyə qədər dayanmayacağıq", o deyib.
