"Amerikanın İraqın ərazisinə hərbi təcavüzü və İŞİD-lə döyüşən Haşd-Şabi qüvvələrinin obyektlərini vurması terrorizmin bariz nümunəsidir. ABŞ ölkəni İŞİD-dən qoruyan qüvvələri vurur. Amerika İraqın müstəqilliyi və suverenliyini pozur. Onlar bu qeyri-qanuni addımlarının acı nəticələrini və onun məsuliyyətini də qəbul etməlidirlər."
GunAz.az xəbər verir ki, bunu İranın Xarici işlər Nazirliyinin sözçüsü Seyid Abbas Musəvi deyib.
İran rəsmisi bldirib ki, "ABŞ-ın bu hücumu onun terrorla mübarizə etmək iddiasının yalan olduğunu bir daha ifşa etdi."
S.A.Musəvi ABŞ-ın Haşd-Şabiyə hücumunu İraqın hakimiyyətinə, suverenlik və istiqlaliyyətinə təcavüz olduğunu bildirib və bəyan edib ki, ölkəsi hücum qurbanlarının yaxınlarının dərdilə şərikdir.
Qeyd edək ki, ABŞ ötən gün İraqda Haşd-Şabinin mövqelərinə bir neçə hava zərbəsi endirib. Bu zərbələr nəticəsində 25 əsgər həlak olub. İraqın bütün hökumət qurumları, o cümlədən prezident, baş nazir və spiker bu hava zərbələrini pisləyib və qınayıblar. Bunun ardından Haşd-Şabi rəhbərliyi intiqam vədi verib.
N.SAFURA