Əfqanıstanında Künduz və Helmənd əyalətlərində yaraqlıların hücumu azı 11 əsgərin ölümü ilə nəticələnib.
GunAz.az Əfqanıstanın Pajwook agentliyinə istinadla xəbər verir ki, ölkənin Künduz əyalətinin Çahardərə rayonunda ordu qüvvələrinə hücum edilib. Mərmilərdən geniş şəkildə istifadə edilən bu hücumda Əfqanıstan Ordusunun 5 əsgəri həlak olub və 9-u yaralanıb.
Eləcə də Helmənd əyalətinin Nad-Əli rayonunda ordunun bir postuna silahlılar tərəfindən hücum edilib.
Hücum ilk növbədə bir minalanmış maşının parladılması ilə həyata keçirilib.
Əfqanıstan təhlükəsizlik qüvvələri burada 6 itki və 10-dan artıq yaralı veriblər.
İkinci hücumun məsuliyyətini Taliban üzərinə götürüb.
N.SAFURA