Sudanlı qüvvələr Yəmənin Ədən şəhərinin şimalında yerləşən əl-Ənəd hərbi qərargahını tərk ediblər.
GunAz.az xəbər verir ki, bu barədə Yəmənin bir hərbi mənbəsi Almasdaronline.com-a məlumat verib.
Bildirilib ki, Ədəndə yerləşdirilən Sudanın hərbi qüvvələri əz-Zeyt limanında gedərək, gəmilərlə başqa yerə daşınıblar.
Hərbi mənbə Sudan qüvvələrinin hərəkət istiqamətinin dəqiqləşmədiyini bildirib.
Qeyd edək ki, on minlərlə Sudan hərbi qüvvəsi 2015-ci ildən Səudiyyə Ərəbistanın hərbi koalisiyası çərçivəsində husilərlə döyüşə qatılıblar.
Sudan qüvvələri Səudiyyə hərbi koalisiyası tərkibində ən çox itki verən xarici ölkə qüvvələridir.
N.SAFURA
