İran Xarici İşlər Nazirinin Siyasi Məsələlər üzrə müavini Abbas Arakçı Prezident Həsən Ruhaninin Fransa Prezidenti Emmanuel Makrona mesajını çatdırmaq üçün Parisə gedib.
GunAz.az PressTV-yə istinadla xəbər verir ki, İran Xarici İşlər Nazirliyinin sözçüsü Abbas Musavi Twitter-də yazıb ki, Arakçı prezident Həsən Ruhaninin xüsusi nümayəndəsi olaraq Fransa paytaxtına gedib.
Onun sözlərinə görə, xüsusi nümayəndə Arakçı, İran, Böyük Britaniya, Almaniya, Rusiya və Çin ilə birlikdə 2015-ci il İranla nüvə sazişi imzalayan Fransanın prezidenti Makrona İran prezidentinin yazılı məktubunu çatdıracaq.