ABŞ-ın vasitəçiliyilə İsrail-Livan sərhədlərinin müəyyənləşdirilməsi işində cüzi irəliləyiş əldə edilib.
GunAz.az əl-Məyadinə istinadla xəbər verir ki, ABŞ-ın dövlət katibinin Yaxın Şərq üzrə nümayəndəsi Devid Satterfildin Beyrut səfərində İsrail-Livan sərhədlərinin müəyyənləşdirilməsi və tənzimləşdirilməsi işi istiqamətində cüzi irəliləyişin olduğu bildirilir.
Tərəflər arasında vasitəçilik edən ABŞ rəsmisi bildirib ki, İsrail Livanın məsələ ilə bağlı təklif etdiyi layihəyə ilkin razılığını verib.
Qeyd edək ki, Livanla İsrail (işğal edilən Fələstin əraziləri) arasında həm quru həm də su sərhədləri baxımıdan fikir ayrılıqları var. ABŞ son iki ay ərzində tərəfləri sərhədlərin müəyyənləşdirilməsi və razılaşdırılması ilə bağlı bir araya gətirməyə çalışır.
