İran İslam Respublikası silahlı qüvvələrinin Ali Baş Komandanının müdafiə sənayesi və silahlı qüvvələrə dəstək məsələləri üzrə müşaviri bildirib ki, Amerikalılar İrana qarşı hərbi əməliyyat gücünə malik deyillər.
General-mayor Hüseyn Dehqan Qətərin Əl-Ərəbi telekanalına verdiyi müsahibədə deyib: "Əgər amerikalılar geniş və hərtərəfi bir müharibəyə başlamaq istəyərlərsə, nə region belə bir müharibəni qəbul edə biləcək potensiala malikdir, nə də amerikalılar dünya ictimaiyyətini İrana qarşı belə bir müharibədə ABŞ-ın kənarında yer almağa razı sala bilərlər".
General-mayor Hüseyn Dehqan Ağ Evin milli təhlükəsizlik müşaviri Con Boltonun Abraham Linkoln təyyarədaşıyan gəmisinin regiona göndərilməsinin İrana mesajı olduğuna dair açıqlamasına reaksiya olaraq deyib: Bəziləri hərbi analizlərdə qüvvələrin və təchizatların yerlərini dəyişməsini müharibəyə hazırlıq kimi yozurlar.
İran silahlı qüvvələrinin Ali Baş Komandan müşaviri həmçinin bildirib: "Amerikalılar, İsraillilər və Ərəbistan regionun ciddi bir böhran ilə üz-üzə olduğuna dair görüntü yaratmaq istəyirlər. Halbuki, onların özləri də yaxşı bilirlər ki, belə bir böhranda, ilk atəşin açılması ilə, cavab atəşi sadəcə bir məkan və ya məntəqə ilə məhdudlaşmayacaq".