Qazaxıstanın milli valyutası olan təngənin dizaynını və banknotlarını dəyişdirmək qərarı ölkənin daxili məsələsidir.
GunAz.az xəbər verir ki, bu sözləri Rusiya XİN-nin rəsmi nümayəndəsi Mariya Zaxarova deyib. O bildirib ki, Moskva Qazaxıstanda ana dili rusca olan vətəndaşların hüquqları məsələsində Astana ilə rəsmi təmasdadır:
"Biz məsələni diqqətlə izləyirik, çünki Xarici İşlər Nazirliyinin vəzifələri və məsuliyyətləri yalnız Qazaxıstan kontekstində deyil, rusdili insanların yaşadığı hər yerdədir”.
Qeyd edək ki, Qazaxıstan Prezidenti Nursultan Nazarbayev banknot və dəmir pulların dizaynında istifadə olunan yazı mətninin dövlət dilində aparılması haqqında fərman imzalayıb. Bu fərmandan sonra yeni əsginaslarda rusca yazı olmayacaq.
