“Əgər sizin hansısa probleminiz yaranıb, yaxud arvadınızla bağlı şübhələriniz varsa, siz birbaşa ona müraciət edirsiniz, kütləvi informasiya vasitələrinə yox”.
Teleqraf.com xəbər verir ki, Rusiyanın xarici işlər naziri Sergey Lavrov NATO-nun bu yaxınlarda keçirilən “Trident Juncture” adlı hərbi təlimləri zamanı Moskvanın GPS sisteminin işinə müdaxilə etməsinə dair Finlandiya və Norveçin ittihamına münasibət bildirərkən belə deyib.
Sergey Lavrovun “Aralıq dənizi: Roma dialoqu” adlı konfransda çıxış edərkən səsləndirdiyi bu sözlər zalda gülüş doğurub və alqışlarla qarşılanıb.
Rusiya XİN başçısı əlavə edib ki, nəzakətli insanlar iradlarını KİV vasitəsilə deyil, şəxsən bildirirlər.
