Ermənistan rusiyalı hərbçilərin Ermənistan-Türkiyə sərhədində iştirakından imtina etmək niyyətində deyil.
GunAz.az xəbər verir ki, bu fikirləri Ermənistan baş naziri Nikol Paşinyan“Exo Moskva” radiostansiyasına müsahibəsində deyib.
“Rus sərhədçilər Türkiyə və Ermənistan arasında sərhədi qoruyur. Və bu, Ermənistana çox lazımdır, çünki bizim silahlı qüvvələrimiz bu öhdəlikdən azad olublar. Həmin sərhədə nəzarət bizim üçün ağır yük olardı”, - o bildirib və qeyd edib ki, rus sərhədçilər həmçinin, Ermənistan – İran sərhədini mühafizə edir.
Rusiyanın 102-ci bazasından danışan baş nazir əlavə edib ki, o, Ermənistandakı təhlükəsizlik sisteminin vacib hissəsidir.
