Tailandın şimal-şərq bölgəsində ağır yol qəzası baş verib.
Gunaz.az xəbər verir ki, İkimərtləbəli avtobusun yük maşını ilə toqquşması nəticəsində 19 nəfər ölüb, daha 35 nəfər isə yaralanıb. Qəza zamanı avtobusda 50 nəfərin olduğu qeyd edilib.
Qəza nəticəsində avtobus yoldan çıxaraq aşıb, yük maşını isə ağaca çırpılıb. 15 nəfərin hadisə yerində, daha 4-ün isə xəstəxanaya aparılarkən yolda keçindiyi bildirilir. Xəsarət alanlar xəstəxanaya yerləşdirilib.
Qəzanın başvermə səbəbləri araşdırılır.
