ABŞ hərbçiləri İranın Küveyt və Bəhreyn istiqamətində buraxdığı bir neçə ballistik raketi havada məhv edib.
GunAz.az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
Bəyanatda bildirilir ki, İran Hörmüz boğazı istiqamətində göndərilən dörd pilotsuz uçuş aparatının CENTCOM tərəfindən vurulmasından bir neçə saat sonra Küveyt və Bəhreynə doğru yeddi ballistik raket buraxıb.
“İlkin qiymətləndirmələrə görə, İran tərəfindən atılan yeddi raketdən altısı ələ keçirilib. Yeddinci raket isə hədəfinə çatmayıb”, - deyə komandanlığın açıqlamasında qeyd olunub.
CENTCOM-un məlumatına əsasən, insident nəticəsində ABŞ hərbçiləri arasında itki və ya yaralanma qeydə alınmayıb.
Həmçinin bildirilib ki, Bəhreyndə yerləşən ABŞ Hərbi Dəniz Qüvvələrinin Beşinci Donanmasının qərargahına da heç bir ziyan dəyməyib.
