İsrail Hərbi Hava Qüvvələri Suriyadakı Hizbullah mövqelərinə aviazərbələr endirib. Bu barədə informasiyanı İsrail Müdafiə Nazirliyi yayıb. Rəsmi Tel-Əviv aviazərbələri Hizbullahın silah qaçaqmalçılığının qarşısını almaq üçün endirdiyini bildirib. Qeyd edək ki, İsrail Hizbullahı özünün əsas düşmənlərindən sayır. Son zamanlar İsrail rəsmiləri İranın müdafiə etdiyi Hizbullahın çox gücləndiyini və çoxlu sayda raketlərə sahib olduğunu açıqlayıblar.
