“İran yaxın günlərdə Fələstinin HƏMAS radikal hərəkatının Siyasi Bürosunun rəhbəri İsmayıl Haniyənin Tehranda qətlə yetirilməsinə görə İsrailə cavab zərbəsi endirmək üçün fəal hazırlıq tədbirləri görür”.
GunAz.az xəbər verir ki, bu iddia ilə “The Wall Street Journal” (WSJ) nəşri anonimliyinin saxlanılmasını istəyən amerikalı məmurlara istinadən yazıb.
Onların məlumatına görə, İran raket qurğularının yerdəyişməsini həyata keçirir və ötən həftəsonunun əvvəlindən hərbi təlimlər keçirir ki, bu da Tehranın yaxın günlərdə İsrailə qarşı cavab hücumuna hazır olduğunu göstərə bilər.
