İran ordusununun 3 hərbçisi təlim-məşq əməliyyatı zamanı meydana gələn partlayış nəticəsində həlak olub.
Bu barədə “Fars” xəbər agentliyi məlumat yayıb.
Bildirilib ki, hadisə ölkənin cənub-şərqində keçirilən təlim zamanı təlim sahəsinin işlək vəziyyətdə olmayan sursatlardan təmizlənməsi mərhələsində baş verib.
Bəlucların “Ənsar ül-Fürqan” silahlı qruplaşması isə bəyanat yayaraq, hadisənin başvermə vəziyyəti ilə bağlı açıqlanan rəsmi məlumatı təkzib edib. Qruplaşma hərbçilərin ölümünü dekabrın 18-də yol qırağında quraşdırılmış mina partlaması nəticəsində olduğunu bildirib.
