Məşhur qırğız kriminal avtoriteti Qamçı Asanbek Bişkekdə keçirilən əməliyyat nəticəsində öldürülüb.
Bu barədə ölkənin Milli Təhlükəsizlik Dövlət Komitəsi məlumat yayıb.
“Aparılan əməliyyat-axtarış tədbirləri zamanı K.Asanbekin yeri müəyyən edilib. O, təhlükəsizlik qüvvələrinin qanuni tələblərinə məhəl qoymayaraq, odlu silahdan istifadə etməklə silahlı müqavimət göstərib. Cavab atəşilə kriminal avtoritet öldürülüb”, - məlumatda qeyd olunub.
Qeyd edək ki, Qamçıbəy Asanbel MDB kriminal dairələrində “Kolya Qırğız” ləqəbilə tanınır.
2007-ci ildə ABŞ Dövlət Departamenti Asanbeki Qırğızıstandakı ən güclü cinayətkar qruplaşmanın lideri adlandırıb və 2008-ci il aprelin 23-də Moskvada ona Rusiya mütəşəkkil cinayətkar qruplaşmaların liderləri tərəfindən qanuni oğru adı verilib.