Türkiyə hərbi gücü və maliyyə dəstəyi baxımından NATO-nun ilk beş ölkəsi arasındadır.
Bunu BMT Baş Assambleyasında iştirak etmək üçün Nyu Yorka səfər edən Prezident Rəcəb Tayyib Ərdoğan “Concordia” sammitində iştirakçıların suallarını cavablandırarkən deyib.
“Biz həm hərbi güc, həm də maliyyə dəstəyi baxımından NATO-da xüsusi mövqe tuturuq. Bu gün Türkiyə NATO qarşısında götürdüyü öhdəlikləri tam yerinə yetirən ölkədir. NATO daxilindəki tərəfdaşlarımızla ümumi maraqlarımız var. Biz bu istiqamətdə fəaliyyətimizi davam etdirəcəyik”, - Ərdoğan qeyd edib.
