Ermənistan parlamentinin vitse-spikeri, Türkiyə ilə danışıqlar üzrə xüsusi nümayəndə Ruben Rubinyanın başçılıq etdiyi nümayəndə heyəti Vaşinqtona gedir.
Bu haqda Ermənistan parlamentinin rəsmi saytında məlumat yayılıb.
Səfər aprelin 29-dan mayın 5-dək baş tutacaq. Məlumatda səfərin məqsədi barədə qeyd yoxdur.
Qeyd edək ki, Ermənistan XİN başçısı Ararat Mirzoyan Ermənistan və Azərbaycan arasında normallaşma ilə bağlı danışıqların növbəti raundunda Azərbaycan XİN rəhbəri Ceyhun Bayramovla görüşmək üçün sabah Vaşinqona gedəcək.
