Sözlərim adətən Qarabağdakı ermənilər tərəfindən yanlış anlaşılır.
Bunu Ermənistanın Baş naziri Nikol Paşinyan deyib.
"Adətən orada səhv başa düşülürəm, amma mənim qiymətləndirmələrim çox aydındır. Madrid prinsiplərində öz müqəddəratını təyinetmə hüququnun ifadəsi Ermənistanın Qarabağı Azərbaycanın tərkib hissəsi kimi tanıdığını deməyə əsas verir”, - Paşinyan bildirib.
Qeyd edək ki, Paşinyanın Ermənistanın Azərbaycanın ərazi bütövlüyünü tanıması ilə bağlı bəyanatından sonra Xankəndidəki separatçı qurum erməni Baş naziri ciddi tənqid edib.
