Bu gün İran Xarici İşlər Nazirliyi Fransa səfiri Nikolas Roşu XİN-ə çağırıb və ona qalmaqallı satirik "Şarl Hebdo" jurnalında İran hakimiyyət nümayəndələrinin karikaturalarının dərc edilməsinə etiraz notası təqdim edib.
Bu barədə İran Xarici İşlər Nazirliyinin sözçüsü Nasir Kənani bildirib.
"İran İslam Respublikası özünün islami, dini və milli ziyarətgah və dəyərlərinə təhqiri qəbul etmir və Fransanın söz azadlığı bəhanəsi ilə digər müsəlman ölkə və xalqların ziyarətgahlarını təhqir etməyə bəraət qazandırmağa haqqı yoxdur", - o bildirib.
