Bu gün - Heydər Əliyevin Anım Günü ərəfəsində Azərbaycan xalqının ümummilli liderinin Həştərxandakı abidəsi önünə gül dəstəsi qoyulub.
Mərasimdə Həştərxan vilayətinin qubernatoru İqor Babuşkinin tapşırığı ilə vilayət hökuməti sədrinin müavini Kazbek Xadikov, Həştərxan vilayətinin sənaye və təbii sərvətlər naziri Denis Afanasyev, beynəlxalq əlaqələr üzrə regional agentliyin rəhbəri Vladimir Qolovkov iştirak ediblər.
"Həştərxan vilayəti ilə Azərbaycanı hər il bütün istiqamətlərdə möhkəmlənən və genişlənən uzunmüddətli dostluq əlaqələri birləşdirir. Azərbaycanla əməkdaşlıq dövründə Heydər Əliyev Fondu ilə birgə regionumuzda bir sıra sosial əhəmiyyətli layihələr həyata keçirilib." Bu barədə bu il dekabrın 7-də Bakıda səfərdə olan vilayətin qubernatoru İqor Babuşkinin Azərbaycan Respublikasının Prezidenti İlham Əliyevlə görüşündə söhbət açılıb .Tərəflər çoxşaxəli səmərəli əməkdaşlığı daha da inkişaf etdirməyə hazır olduqlarını təsdiqləyiblər.
