Hacıqabul Sənaye Məhəlləsində istehsal ediləcək minik avtomobillərinin qiyməti 17-20 min manat təşkil edəcək.
Bu barədə "Azərbaycan Avtomobil İstehsalçıları Assosiasiyası” İctimai Birliyinin rəhbəri Emin Axundov deyib.
"Minik avtomobillərinin növbəti aydan satışa çıxarılması planlaşdırılır. Burada istehsal olunan pikapların qiyməti isə 50-70 min arasında dəyişəcək. Avtomobilləri "General Motors”un razılığı ilə Türkiyə bazarında satmağı hədəfləyirik. Avtomobillərin ehtiyat hissələrinin də Azərbaycanda istehsalı ilə bağlı razılıq əldə edilib”, - deyə E.Axundov qeyd edib.
