44 günlük müharibənin peyk görüntüləri Ermənistan müxalifətinin əlinə keçib.
Bu iddia ilə "Hraparak” nəşri çıxış edib.
Qəzetin yazdığına görə, kosmosda süni peyki olan ölkələrdən birinin nümayəndələri erməni müxalifətinin müəyyən dairələri ilə əlaqəyə girərək, onlara Ermənistanla bağlı video təqdim ediblər.
İddiaya görə, bu videoların içərisində 44 günlük müharibənin bütün kadrları var.
Hraparak yazır ki, bu videolar Azərbaycanın 44 gün ərzində hansı taktikalardan istifadə etdiyini və Ermənistanın necə məğlub olduğunu təsəvvür etməyə imkan verəcək. Qəzet Ermənistan müxalifətinin mövqeyini öyrənə bilmədiklərini yazıb.
