Tanınmış müğənni Kamandar İbrahimov vəfat edib.
Uzun illərdir müğənni və bəstəkar kimi tanınan 65 yaşlı Kamandar İbrahimov Hacıqabul rayonunda dünyasını dəyişib.
Qeyd edək ki, K.İbrahimov vaxtaşırı Bakıda televiziya kanallarında qonaq olurdu. O, Mil-Muğan zonasında ən məşhur toy idarəedicilərindən biri kimi tanınırdı.
2 il əvvəl Hacıqabulda Kamandar İbrahimovun sənət fəaliyyətinin 45 illiyi münasibətilə rayon rəhbərliyi, xalq artistləri və digər tanınmışların iştirakı ilə "Səhnəmizin Kamandarı" adlı təntənəli tədbir keçirilmişdi.
Allah rəhmət eləsin!
