Partiya sədri:"Horadiz-Zəngilan-Ağbənd
dəmir yolunun inşası Naxçıvan dəhlizinin yaradılmasında olduqca gərəkli olacaq”
"Horadiz-Zəngilan-Ağbənd dəmir yolu Azərbaycana həm
strateji, həm iqtisadi, həm də siyasi dividentlər qazandıracaq”. Bunu
"Azad Azərbaycan" qəzetinə açıqlamasındaAzərbaycan Sosial
Rifah Partiyasının sədri Əsli Kazımovadeyib.
Onun sözlərinə görə, Horadiz-Ağbənd dəmir yolu xətti
Azərbaycan vətəndaşlarının azad olunmuş torpaqlara gediş-gəlişinin təminatında əhəmiyyətli
rol oynayacaq: «Cənab Prezidentin uzaqgörən siyasəti sayəsində Horadiz-Ağbənd dəmir
yolu nəqliyyatı eyni zamanda Naxçıvan Muxtar Respublikası arasında birbaşa dəmir
yolu nəqliyyat əlaqəsinin yaranması deməkdir. Cənab Prezidentin də qeyd etdiyi
kimi Horadiz-Zəngilan-Ağbənd dəmir yolu ilk növbədə azad edilmiş torpaqlara həm
vətəndaşların gedib-gəlməsi üçün, həm də yüklərin daşınması üçün olduqca önəmli
bir layihədir. Həmin dəmir yolunun həm də Naxçıvana getməsi isə olduqca perspektivli
bir addımdır. Çünki noyabrın 10-da imzalanmış Birgə Bəyanatda Naxçıvan dəhlizinin
yaradılması ilə bağlı xüsusi müddəa var».
Partiya sədri qeyd edib ki, Horadiz-Zəngilan-Ağbənd
dəmir yolunun inşası birmənalı olaraq Naxçıvan dəhlizinin yaradılmasında
olduqca gərəkli olacaq: «Nəticə etibarilə həm Horadiz-Zəngilan-Ağbənd dəmir
yolu, həm Naxçıvan dəhlizi ilə Azərbaycan öz ayrılmaz hissəsi olan Naxçıvan
Muxtar Respublikasına nəqliyyat istisnası olmadan gediş-gəlişi tənzimləməyə
nail olacaq. Bu isə Azərbaycana həm strateji, həm iqtisadi, həm də siyasi
dividentlər qazandıracaq».
Ə. Kazımova bildirib ki, Prezident İlham Əliyevin işğaldan azad
olunmuş rayonlara səfərləri və ən əsası, bu səfərlər zamanı həmin ərazilərdə
aparılan quruculuq işləri çərçivəsində inşa edilən yeni strateji obyekt və müəssisələrin
təməlinin qoyulması müstəsna əhəmiyyətə malikdir. Xüsusən hazırda Azərbaycan
dövlətinin işğaldan azad edilmiş ərazilərdə intensiv şəkildə bərpa-quruculuq
işləri həyata keçirməsi, birmənalı olaraq həm müharibədən tam qələbə ilə
çıxmağımızı göstərdiyi kimi, ölkəmizin əsaslı və köklü dövlət strategiyasından
xəbər verir: «Naxçıvan Muxtar Respublikası ilə Azərbaycanın qərb rayonlarını
birləşdirən yeni nəqliyyat kommunikasiyalarının inşası özü özlüyündə baxın, nə
qədər strateji əhəmiyyət daşıyır».
Partiya sədri əlavə edib ki, işğaldan azad edilmiş ərazilərdə "ağıllı kənd” və
"ağıllı şəhər” layihələrinin icrasına başlanması bu rayon və bölgələrimizin ən
yüksək standartlara cavab verən müasir yaşayış məkanlarına çevriləcəyinə dəlalət
edir: «Cənab Prezidentin qeyd etdiyi kimi, artıq Zəngilanda birinci "ağıllı kənd”
layihəsinin icrasına başlanılmışdır. Bu dünya ictimaiyyətinə də bir mesajdır əslində.
Erməni yıxır, dağıdır, Azərbaycan bərpa edir, təmir edir, əmin-amanlıq yaradır…
Beynəlxalq ictimaiyyət bu amili, fərqi görməlidir… Bəli, Azərbaycan öz ərazi
bütövlüyünü təmin etdikdən sonra, öz coğrafi ərazilərinin bərpasına başlayıb.
Amma bu coğrafi ərazilər baxın nə qədər beynəlxalq maraqları biləşdirə biləcək
strateji əhəmiyyətə malikdir. Cənab Prezident bu maraqları sülh, barış, əmin-amanlıq
və sabitliyin təminatı çərçivəsində birləşdirməyi bacarır. Bunu isə birmənalı
olaraq, Cənab Prezidentimizin diplomatik zəfəri kimi dəyərləndirmək mümkündür”.
Bilman İSAQ
скачать dle 12.1
