İran və Çin hakimiyyətləri ümid edir ki, 2020-ci ildə ABŞ-da baş tutan prezident seçkisində Cozef Bayden qalib gələcək.
GunAz.az xəbər verir ki, bunu ABŞ Prezidenti Donald Tramp deyib. Onun sözlərinə görə, Baydenin seçilməsi Tehran və Pekinə mübahisəli məsələləri öz xeyirlərinə həll etmək imkanı verəcək.
O, Çinə qarşı tətbiq etdiyi rüsumlar sayəsində Vaşinqtonun on milyardlarla dollar əldə etdiyini və buna görə də Pekinin Baydeni dəstəkləməsinə təəccüblənmədiyini bildirib.
Tramp yenidən seçiləcəyi təqdirdə bütün ölkələrin onunla fenomenal razılaşmalar imzalayacağını söyləyib.
