Keçmiş Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov azadlığa buraxılıb.
Bu barədə GunAz.az-a V.Zeynalovun qardaşı Vahid Zeynalov məlumat verib.
Onun vaxtından əvvəl azadlığa buraxılması məsələsinə Sabunçu Rayon Məhkəməsində baxılıb. V.Zeynalov cəzasının 4/5 hissəsini çəkdiyi üçün məhkəmə onun azadlığa buraxılmasına qərar verib.
V.Zeynalovun cəza müddətinin bitməsinə yeddi ay qalmışdı.
Qeyd edək ki, V.Zeynalov qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat pul vəsaitinin nağdlaşdırılmaqla mənimsənilməsi və israf edilməsinin təşkilində təqsirləndirilirdi.
