Binəqədi
rayonunda məcburi köçkün kimi yaşayan şəhid Bayram Məmmədovun atası "Həkəri” qəzetinin şöbə müdiri
Məhəmməd Mürsəloğlu hər il iyun ayında şəhid oğlunun xatirəsinə ehsan süfrəsi açır,
anım tədbiri keçirir.
Bu dəfəki tədbirdə
Beynəlxalq İdeal Sülhün
Təbliği Fondunun rəhbəri Əlikram Müzəffər, "Azad Azərbaycan” qəzetinin
redaktoru, Günaz.az saytının baş redaktoru Bilman Allahverdiyev, "Həkəri” qəzetinin baş redaktoru, Günaz.az
saytının redaktoru, şair-publisist Rauf
İlyasoğlu telejurnalistlər Atlaz Xanlarqızı,
Ənvər Məmmədov, Rəhman Ənvəroğlu və digər qonaqlar iştirak edirdilər.
El ağsaqqalı
Məhəmməd Mürsəloğlu cəmi şəhidlərimizin xatirəsinə yasin oxudu və oğlu Bayram
Məmmədovun şəhidlik zirvəsinə ucalmaqla ailəyə şöhrət gətirdiyini bildirdi.
Laçın rayonunun Minkənd kənd orta məktəbi şəhid Bayram Məmmədovun adını
daşıyır. Bu sətirlərə müəllifinin (R.İlyasoğlunun) tərtibatçılığı ilə Bayramsız
Laçın və Laçınsız Bayram kitabı işıq üzü görmüşdür. Vətənimizin azadlığı uğrunda
şəhid olmuş soydaşlarımız heç zaman unudulmur. Onlar ən yüksək məqama
çatmışlar. Şəhidlərin xatirəsini anmaq, yad etməklə onları unutmuruq.
"Şəhidləri ağlamazlar. Şəhidlər
ölməzdir, ölməzi ağlamazlar”.
Arzu
edirik ki, erməni quldurları tərəfindən işğal olunmuş ərazilərimizi tezliklə
azad edək, şəhidlərimizin ruhunu da şad edək.
