Rayon və kəndlərdə bir necə il əvvəl musiqi məktəblərini, kənd klublarını, kitabxanaları ixtisar adıyla bağlamaqla və ya birləşdirməklə həyata keçirilən düşüncəsiz qərarla nə qədər işsizlər ordusu yaratmaq nəyə lazım idi?
Nə qədər ki, Milli Məclisdə öz şəxsi mənafeyini güdən və öz karyerasını qorumaq naminə yaltaqlığından əl çəkməyən deputatlar var, millət əziyyət çəkəcəkdir.
Yaxşı ki, Prezident hər kəsi eşidir və axırda xalqın xeyrinə qərar qəbul edir.
Baş bankirdən olsaydı problemli kreditlər hələ də həll olunmayacaqdı. Sağ olsun Prezident.
Axır ki, ona düz məlumat verdilər və Prezident problemli kreditlərin həlli ilə bağlı imzaladığı fərmanla kasib təbəqənin bir daha sevgisini qazandı.
İndi isə dövlət rəhbərinin incəsənət xadimləri ilə görüşünə öz fikrimi bildirim.
Sevimli müğənnimizdən soruşan olmadı ki, ay Zeynəb xanım, siz paytaxta taksilər gətirdib arendaya verəndə, hec o müğənnilər dillənmirdi, indi imkan verin, gənc müğənnilər, kasıb təbəqə öz dərdini Prezidentə desin də.
Xəstə yatan ayaq barmağı kəsilən, kitabların çıxartmağa və dərmanlarını almağa, bir çətən külfəti dolamdırmağa pul tapmasa da, öz qürurunu saxlayan Ramiz Əzizbəylini bir dəfə yada salmısanmı? Bilmirəm.
Milli Məclisi qeybət meydanına çevirmək yaramaz. Get nəvələrini saxla. Qoy o Milli Məclisdə Manis yox, alim, tarixçi, jurnalist, siyasi icmalçı otursun, millətin dərdindən danışsın, Qarabağ probleminin həlli yollarından müzakirələr etsin. Sizi bütün dünya çox istəyir. Hətta ermənistanın da xalq artistisiniz məncə.
Gözəl, məlahətli səsiniz olub. Fikir verin, səs olmaq o deyil ki, hər nə gəldi danışmaq olar?
Muğam oxuyan gənclərimiz çoxdur. Artıq neçələri də yetişib və özlərini də necə ədəbli aparırlar. Məgər onları qabağa çəkmək lazım deyilmi? Məgər onların probleminin həlli ilə bağlı Prezidentə xahiş etsələr və ya dərdlərini desələr, bunun nəyi pisdir ki? İlham Əliyev hər şeyi bilir və kim kimdir onu da əla bilir. Gəlin bir olaq. İmkansızın qolundan tutaq. Hər bir restoran sahibi qazandığı milyardlar hesabına ildə 10 nəfər kasıb gəncin toyunu öz hesabına etsin və ya ildə bir dəfə bir imkansızın problemini həll etsin. Onda Allah o kəsləri heç zaman naümid qoymaz.
Xalqın gözü tərəzidir.
Elə bilməyək ki, yağış yağdı, demək çatlaq dabanlar sağaldı, əsla yox.
Bəzən susmaq insana hörmət də gətirirmiş.
Rauf İlyasoğlu,
2-ci qrup əlil, tədqiqatçı-jurnalist, şair-publisist
