İstanbul-İğdır marşrut avtobusu Türkiyənin Kağızman bölgəsində qəzaya uğrayıb. Hadisə nəticəsində 30 nəfər yaralanıb ki, onlardan biri Türkiyə vətəndaşı, digərləri isə Azərbaycan vətəndaşlarıdır.
Gunaz.az xəbər verir ki, “İğdırlı Turizm” şirkətinə aid 34 DY 9422 nömrə nişanlı avtobus sürücünün idarəetməni itirməsi səbəbindən aşıb.
Azərbaycanın Qars şəhərindəki baş konsulu Nuru Quliyev Cahanpress-ə açıqlamasında bildirib ki, hadisə nəticəsində ölən və ağır yaralanan olmayıb. Xəsarət alanlar Sarıqamış və Qarsdakı xəstəxanalara yerləşdirilib.
Qəza ilə bağlı araşdırmalara başlanılıb.
