Türkiyə ilə Rusiya arasında təyyarə uçuşları yenidən bərpa olunub.
GunAz.az Türkiyə mətbuatına istinadən xəbər verir ki, uzun müddətdən sonra rus turistlər bu gün səhər saatlarında Türk Hava Yollarına məxsus təyyarə ilə İstanbula gəliblər. Baş tutan ilk səfərdə təyyarənin bütün oturacaqlarının dolduğu bildirilib.
Sərnişinlər sosial məsafəni saxlamaq və qoruyucu maska taxmaq şərti ilə terminala buraxılıblar. Rus turistlər uçuşların bərpa olunmasından məmnun olduqlarını bildirdiriblər.
Qeyd edək ki, iki ölkə arasında təyyarə reysləri COVID-19 səbəbiylə 11 maydan etibarən dayandırılmışdı.
