Husilər sərhəddə yerləşən Səudiyyənin Cizan bölgəsində qarşı tərəfin bir pilotsuz təyyarəsini vuraraq salıblar.
GunAz.az əl-Məsira telekanalına istinadla xəbər verir ki, bu barədə Ənsarullah hərəkatı bəyanat verib.
Bildirilib ki, Yəmənlə sərhəddə yerləşən Səudiyyənin Cizan bölgəsi səmasında bir PUA vurularaq salınıb.
Husilər PUA-nın "münasib silah"la vurduqlarını bildiriblər.
Qeyd edək ki, husilər havadan müdafiə üçün yeni silah əldə etdiklərini bildirmiş, lakin onun detallarını açıqlamamışdılar.