İranın havadan müdafiə sistemləri ölkənin Xuzestan əyalətində yerləşən Mahşəhr limanında bir PUA-nı vuraraq salıblar.
GunAz.az bu barədə İSNA agentliyinə istinadla məlumat verir.
Bildirilib ki, Fars Körfəzi sahilində yerləşən Mahşəhr limanında ölkənin havadan müdafiə sistemləri bir naməlum pilotsuz təyyarəni vuraraq salıblar.
Qeyd edək ki, İran HHQ-i sonuncu dəfə iyun ayında dünyanın ən bahalı PUA-sı hesab edilən ABŞ-ın bir ədəd "Global Hawk" pilotsuz təyyarəsini Hörmüzdə vurub salmışdı.
