ABŞ tərəfinin viza verməməsinə görə İran nümayəndə heyətinin BMT Baş Assambleyasına səfəri ləğv edilə bilər.
GunAz.az İLNA-a istinadla xəbər verir ki, bu barədə İran hökumətinin mənbələri məlumat veriblər.
Bildirilib ki, ABŞ tərəfi hələ də BMT Baş Assambleyasına gedəcək İran nümayəndə heyəti üçün viza çıxarmayıb.
İran hökuməti mənbələrinin məlumatına görə, prezident Həsən Ruhani və XİN rəhbəri Məhəmməd Cavad Zərifin Nyu-York səfəri ləğv edilə bilər.
İLNA agentliyi əlavə edib ki, İran hökuməti tezliklə məsələ ilə bağlı bəyanat verəcək.
