Hə Nikol, indi get mədəni
muxtariyyat çərçivəsində Qarabağ ermənilərinin rəqs ansamblını yarat və nə qədər
istəyirsən "Yallı” get.
«Ermənistanın son təxribatından və ordumuzun cəbhəboyu hücuma keçərək ərazilərimizi
azad etməyə başlamasından dərhal sonra Nikol Paşinyan təhrikedici bəyanatlar
verməyə başladı. Təbii ki, bu da onun xislətindən irəli gəlir». Bu fikirləri"Azad
Azərbaycan"a açıqlamasında Azərbaycan Naminə Alyans Partiyasının sədri Abutalıb
Səmədov deyib.
Onun sözlərinə görə,
Nikolun ""Qarabağ ordusu"na qarşı Azərbaycan və Türkiyə hərbçiləri ilə
yanaşı Suriyadan gələn muzdlu terrorçular vuruşur və onların Rusiya ərazisinə
keçmək ehtimalı var” - deyib, Rusiya prezidentini terrorla qorxutmağa çalışması
ancaq gülüş doğurur.
"Ermənistan KTMT-nin
(Kollektiv Təhlükəsizlik Müqaviləsi Təşkilatının) üzvüdür və Azərbaycanın hərbi
uğurları bu hərbi blokun nüfuzuna ağır zərbə vuracaq” – deyən Paşinyan acizanə
surətdə müttəfiqlərini həmrəylik göstərməyə, təşkilatın Nizamnaməsinin ruhuna və
hərfi mənasına uyğun addımlar” atmağa çağırır. Lakin onun bütün çağırışları
cavabsız qalmaqdadır.
Partiya sədriqeyd edib ki, Nikolhər gün Rusiya prezidentinə zəng
edir və ona normal işləmək imkanı da vermir. Putin isə birtəhər səbr edib
Paşinyana izah etməyə çalışır ki, onun Ermənistanın problemlərini dinləməkdən
başqa işləri də var və o bününçün işləməlidir. Paşinyan isə elə tutuquşu kimi
eyni sözləri təkrarlamaqdadır: "Azərbaycan Ordusu gəlir! Qabağında dura
bilmirik! KTMT kömək eləməsə batacağıq!”.
Rusiya prezidenti yenə səbrini birtəhər basıb növbəti dəfə izahat verdi: "Hərbi
əməliyyatlar Azərbaycan ərazisində gedir və heç kim bu münaqişəyə müdaxilə etmək
haqqına sahib deyil”.
Partiya sədri qeyd edib ki, belə izahatlar da Paşinyana çatmır: «Onun Putinə
ünvanlanan zəng-yalvarışlarının bitməyəcəyini anlayan mətbuat katibi Peskov
daha kəskin bəyanat vermək məcburiyyətində qaldı. "Rusiya KTMT çərçivəsində Ermənistan
qarşısında öhdəlik daşıyır! Qarabağ qarşısında heç bir öhdəlik daşımır!” – deyə
İrəvana mesaj ünvanladı. Beləliklə, həm prezident Putin, həm də onun mətbuat
katibi son dərəcə aydın şəkildə izah etdilər ki, hərbi əməliyyatlar Ermənistan ərazisində
deyil, Qarabağda gedir. Qarabağ isə Ermənistan deyil, Azərbaycandır! Yəqin ki,
inanmayacaqsınız. Ancaq yenə də fenomenal erməni qanmazlığı nümayiş etdirib
anlamadı.Və həm Paşinyan, həm də onun bədbəxt günə qoyduğu ermənilər
Putinin "Valday" beynəlxalq diskussiya klubundakı çıxışını səbrsizliklə
gözlədilər. O da danışdı və bu dəfə məhz ermənilərin anlayacağı dildə danışaraq
Rusiyanın mövqeyini ortaya qoydu.
"Ermənistan və Azərbaycan Rusiya üçün bərabər tərəfdaşdır”- dedi və ermənilərə
- siz özünüzü strateji müttəfiq saysanız da, Azərbaycan ən azı sizin qədər bizə
yaxındır və Rusiya sizə görə bu nüfuzlu dövlətlə münasibətini pozmayacaq - həqiqətini
anlatmağa çalışdı.
"Azərbaycanın torpaqlarının bir hissəsi işğal altındadır və bu vəziyyət
sonsuzluğa qədər davam edə bilməz!"-deyərək, Azərbaycanın apardığı hərbi əməliyyatlara
dəstək verdi. Paşinyanaisə son dəfə anlatmağa çalışdı ki, "ermənilərin
gözlədiyi dəstək olmayacaq! Rusiya bu dəfə ermənilərin əvəzindən
vuruşmayacaq!”. Bu sözləri ilə məhv elədi erməniləri. Son yüz ilin ən ağır zərbəsini
vurdu onlara».
A.Səmədov bildirib ki, yenə də ermənilərə ən böyük şoku həmişə olduğu kimi
Prezident İlham Əliyev yaşatdı: «Yaponiyanın "Nikkei” qəzetinə müsahibə verən
Ali Baş Komandan ermənilərin arzularını gözlərində qoyacağını özünəməxsus qətiyyətlə
bəyan etdi: "Dağlıq Qarabağda heç bir referendum olmayacaq. Öz müqəddəratını təyinetmə
beynəlxalq hüququn mühüm amilidir. Lakin o, Azərbaycanın ərazi bütövlüyünü
pozmamalıdır. Öz müqəddəratını təyinetmənin müxtəlif növləri var, icmaların
müxtəlif növləri var. Məsələn, mədəni muxtariyyət ola bilər”. Bax, belə, Nikol!
Görürsən Azərbaycan Prezidenti səni işsiz qoymamaq üçün əlindən gələni edir.
İndi get, mədəni muxtariyyat çərçivəsində Qarabağ ermənilərinin rəqs ansamblını
yarat, ona rəhbərlik elə və nə qədər istəyirsən "Yallı” get!»
Bilman İSAQ
скачать dle 12.1