Müğənni Xatun Əliyeva bir çox küsülü olduğu həmkarları ilə barışıb.
GunAz.az-ın məlumatına görə, sənətçi ilk olaraq əməkdar artist Tünzalə Ağayeva ilə küsülülüyə son qoymasından bəhs edib:
"Səhnədə idik, gözəl ab-hava var idi. İkimizin də əhvalı yaxşıydı. Pənah Eldaroğlunun (Xatunun köməkçisi - red.) Yalçınla (T.Ağayevanın prodüseri - red.) gözəl münasibəti var. Bu barışığa da səbəb o, oldu".
Xatun müğənni Natavan Həbibiyə də barışıq əli uzadıb:
"Natavan Həbibi ilə də özümü küsülü hesab etmirəm. Fikirləşirəm ki, sağ-salamat ana olsun, onu təbrik edərəm. Dua da edirəm ona".
Sənətçi həmkarı Xatirə İslamla da barışıb. Xatun bildirib ki, küsülü olduğu bir neçə sənətçilərlə də barışacaq.
