Koronavirusa qarşı vaksinin hamilə qadınlara heç bir təhlükəsi yoxdur və effektli olur.
GünAz.az-ın məlumatına görə, bunu Azərbaycanın baş infeksionisti Təyyar Eyvazov deyib.
O bildirib ki, hələlik hamilə qadınlara peyvənd vurulmur: "Bununla bağlı tədqiqatlar aparılmayıb. Amma məlumatlar var ki, vaksinin hamilə qadınlara heç bir təhlükəsi yoxdur və effektli olur. Burada söhbət inaktiv vaksindən gedir. İcazələr verildikdən sonra ola bilsin ki, hamilə qadınlara da vaksin vurulacaq”.
