Türkmənistanda 8 mart beynəlxalq qadınlar günü münasibəti ilə qadınlara prezident Qurbanqulu Berdımuxammedovun adından 11 dollar hədiyyə ediləcək.
Gunaz.az xəbər verir ki, prezidentin sərəncamına əsasən, Türkmənistanda istənilən sahədə işləyən qadınlar 40 türkmən manatı, yəni 11 dollar alacaqlar.
Prezident hədiyyəsi pensiya və dövlət müavinəti alan qadınlara, aspirantura, doktorantura, ordinatura təhsili alanlara da aid ediləcək. Sərəncam həm də tələbə qızlara, məktəbli qızlara, məktəbəqədər hazırlıq müəllimlərinə də aid edilib.
