Bəzi numerologiya inanclarına görə, müəyyən tarixlərdə doğulan insanların ruhu yenidən doğulma dövrünü başa vurmağa daha yaxın ola bilər.
GunAz.az xəbər verir ki, bu barədə “The Times of India” nəşri yazıb.
GunAz.az xəbər verir ki, bu barədə “The Times of India” nəşri yazıb.
Qeyd edək ki, astrologiya, numerologiya, tarot, falçılıq və oxşar ezoterik praktikalar elmi cəhətdən təsdiqlənmiş metodlar deyil. Bu yanaşmalar qədim inanclara və simvolik şərhlərə əsaslanır, onların effektivliyi elmi tədqiqatlarla sübuta yetirilməyib. Bu səbəbdən belə materiallar daha çox əyləncə xarakteri daşıyır və mühüm qərarların qəbulunda etibarlı əsas kimi qiymətləndirilməməlidir.
Məqalədə qeyd olunur ki, numerologiyaya görə insanların əksəriyyəti müxtəlif dərsləri öyrənmək və keçmişdən qalan “karmik borcları” tamamlamaq üçün dəfələrlə Yer üzünə qayıdır. Lakin bəzi tarixlərdə doğulan insanların ruhlarının bu dövrün son mərhələsində olduğu iddia edilir.
7, 16 və ya 25-də doğulanlar
Bu tarixlərdə doğulanların numeroloji rəqəmi 7 hesab olunur. Numerologiyada 7 rəqəmi mənəvi azadlıq, dərin düşüncə və dünyəvi istəklərdən uzaqlaşma ilə əlaqələndirilir.
İnanclara görə, bu insanlar gənclik illərində müxtəlif çətinliklərlə üzləşirlər. Bunun onların “son karmasını” daha tez başa vurmasına kömək etdiyi iddia olunur. Onların təbiətə, sakitliyə və həyatın dərin mənalarına daha çox meyil göstərdiyi vurğulanır.
9, 18 və ya 27-də doğulanlar
Bu tarixlərdə doğulanların numeroloji rəqəmi 9 hesab edilir. Numerologiyada 9 tək rəqəmlər arasında sonuncu olduğu üçün tamamlanma, yekun və uzun yolun sonunu simvolizə edir.
Məqalədə bu insanların “qoca ruhlar” olduğu, mərhəmətli, səxavətli və başqalarına yardım etməyə meyilli olduqları bildirilir. Numerologiyaya görə, onlar Yer üzünün təqdim etdiyi dərslərin əksəriyyətini artıq öyrəniblər və yenidən doğulma dövrünün son mərhələsinə yaxınlaşıblar.
"Son həyat" anlayışının simvolik əlamətləri
Məqalədə doğum tarixi göstərilən siyahıya düşməyən insanlar üçün də bəzi simvolik əlamətlər sadalanır. Numerologiya inanclarına görə, belə insanlar:
* İnsanları asanlıqla bağışlayır və kin saxlamırlar;
* Sadə həyat tərzinə üstünlük verirlər, dəbdəbəyə maraq göstərmirlər;
* Təbiət, ağaclar və heyvanlarla güclü mənəvi bağlılıq hiss edirlər;
* Səthi söhbətlərdən çox həqiqət və səmimi ünsiyyət axtarırlar.
Məqalə müəllifləri hesab edirlər ki, bu xüsusiyyətləri özündə görən insanlar ruhlarının uzun mənəvi yol keçdiyini düşünə bilərlər. Bununla belə, bu fikirlər numerologiya inanclarına əsaslanır və elmi fakt kimi qəbul edilmir.
