SON DƏQİQƏ

Uğurlu siyasi varis

Cəmiyyət / Manşet

Sabah hava necə olacaq?

Cəmiyyət / Manşet

YAŞANMAMIŞ İLLƏRİM QAYIT

Tarix:24-08-2021, 12:39 Oxunub:2 994

Bir zaman tərk edib getdyin kimi,
Qayıt yaşanmamış illərim qayıt.
Kipriyim ucundan itdiyin kimi,
Qayıt yaşanmamış illərim qayıt.
 
Neçə arzuları qoymusan yarım,
Çəkmisən yoluna tikandan tarım,
Mənim ki, düz olub əhdim ilqarım
Qayıt yaşanmamış illərim qayıt.
 
Yaşadar insanı sevginin ilki,
Sevgisiz bir ömür, ömür deyil ki..
Pərişan gəncliyim dönüb deyir ki,
Qayıt yaşanmamış illərim qayıt.
 
Geridə qoyduğun məsum qızcığaz,
Qayıt ki, ürəyi toxtasın bir az.
Gəlməzmi payızdan məgər sonra yaz?
Qayıt yaşanmamış illərim qayıt.
 
Götürüb başımdan dumanı, çəni.
Apar o ilk görüş yerinə məni.
Başdan yazmaq üçün yeni səhifəni,
Qayıt yaşanmamış illərim qayıt.
Qayıt yaşanmamış illərim qayıt.
Müəllif.M.Duyğulu.
21.08.2021.

FACEBOOK ŞƏRH

SON XƏBƏRLƏR

İDMAN

<