UEFA Millətlər Liqasında ikinci finalçı müəyyənləşib. Növbəti xoşbəxt komanda Hollandiya - İngiltərə qarşılaşmasından sonra bəlli olub. Beləliklə, yarımfinalda rəqibi üzərində 3:1 hesablı qələbə qazanan hollandlar həlledici görüşə vəsiqə əldə edib.
UEFA Millətlər Liqasında ikinci finalçı müəyyənləşib. GunAz.az bildirir ki, növbəti xoşbəxt komanda Hollandiya - İngiltərə qarşılaşmasından sonra bəlli olub.
İyunun 9-da bütün medalçılar bilinəcək. Əvvəlcə İsveçrə ilə İngiltərə "bürünc" üçün üz-üzə gələcək. Ardından isə final qarşılaşması oynanılacaq.
Turnirin qalibi kubokun ilk sahibi olmaqla yanaşı, pul mükafatı da əldə edəcək. Millətlər Liqasının çempionu 10,5, finalçı isə 9 milyon avro əldə edəcək. Üçüncü yerin sahibi 8, mükafatçılar sırasına düşə bilməyən komanda 7 milyon qazanacaq.
Millətlər Liqası
9 iyun
III yer uğrunda oyun
17:00. İsveçrə - İngiltərə
Gimaraynş. Afonso Enrike stadionu
Final
22:45. Portuqaliya - Hollandiya
Portu. "Draqao" stadionu
