Azərbaycanın cüdo idman növü üzrə kişilərdən ibarət paralimpiya yığma komandası təlim-məşq toplanışı üçün Gürcüstana yola düşüb.
Milli Paralimpiya Komitəsindən verilən xəbərə görə, baş məşqçi İbrahim İbrahimovun rəhbərlik etdiyi 12 nəfərlik heyət (10 idmançı, iki məşqçi) 18-26 mart tarixlərində Qori şəhərində təlim-məşq toplanışı keçirəcək.
“Neftçi” İdman Klubunun dəstəyi ilə keçirilən təlim-məşq toplanışı Qori cüdo mərkəzində baş tutacaq.
Qeyd edək ki, təlim-məşq toplanışı may ayında Bakıda keçiriləcək paracüdo üzrə beynəlxalq Qran Pri yarışına hazırlıq xarakteri daşıyır.
