"Barselona” "Ayaks”ın müdafiəçisi Matteys de Liqti transfer etmək istəyir.
Gunaz.az xəbər verir ki, Kataloniya klubu bir müddətdir 18 yaşlı futbolçunun çıxışını təqib edir.
"Ayaks” gənc müdafiəçiyə 60 milyon avro qiymət qoyub. Lakin De Liqt oyun praktikası baxımından çətinlik çəkməyəcəyi kluba transfer olmaq istəyir.
Maraqlıdır ki, 18 yaşlı oyunçu dünən Kataloniyada olub. "Barselona”nın və Hollandiya millisinin sabiq hücumçusu Patrik Kluyvert İnstaqramda şəkil paylaşıb ki, orada veteran futbolçunun özü, oğlanları Castin və Şeyn, eləcə də De Liqt yer alıb.
