“Qarabağ” – “Roma” matçına ilk iki gündə 12 500 bilet satıldı
Tarix:
9-09-2017, 07:59
/ 1 145 dəfə oxundu.
"Qarabağ”ın Çempionlar Liqasının qrup mərhələsinin ilk ev oyununda qarşılaşacağı "Roma”yla matçın bilet satışı davam edir.
Klubun saytına istinadən xəbər verilir ki, ötən günə olan son nəticələrə əsasən, 12500 bilet satılıb.
Satışın ilk günündə bu rəqəm 3000-ə bərabər idi. Azarkeşlər biletləri aşağıda qeyd olunan satış məntəqələrindən və onlayn olaraq iTicket.az saytından əldə edə bilərlər. Biletləri əldə edərkən şəxsiyyət vəsiqəsi təqdim olunmalıdır. Qeyd edək ki, "Qarabağ” - "Roma” matçı sentyabrın 27-si saat 20:00-da start götürəcək. Biletlərin qiymətləri VIP – 50 AZN Kateqoriya 1 – 20 AZN Kateqoriya 2 – 10 AZN Kateqoriya 3 – 5 AZN Kateqoriya 4 – 2 AZN Şatış məntəqələri Asan Xidmət Mərkəzləri Heydər Əliyev Sarayının kassası
28 Mall
Gənclik Mall
Park Bulvar (Qarabağ FK Fanshop)
M.Rəsulzadə 3 (Azərb. k/t yaxınlığı)
Bül-bül prospekti, Nizami küç. (Nizami k/t yaxınlığı)
Üzeyir Hacıbəyov küç.69x (Hökümət evinin arxası)
