Messi cəzalandırıla bilər - Hakimi təhqir etdiyinə görə...

Argentinalı futbolçu Lionel Messi cəzalandırıla bilər.
FİFA-ya daxil olan məlumata görə, Messi DÇ-2018 -in seçmə mərhələsində Çiliylə keçirilən oyun zamanı yan xətt hakimini təhqir edib. Lakin maraqlıdır ki, hakimlər oyundan sonra yazdıqları hesabatda təhqirlə bağlı heç nə qeyd etməyib.
FİFA Argentina Futbol Assosiasiyasına məsələnin araşdırılması ilə bağlı müraciət edib. Assosiasiya isə hadisəylə bağlı heç bir faktın olmadığını bildirib.
Braziliyalı hakim də oyun zamanı Messidən hakimə qarşı heç bir təhqiramiz ifadə eşitmədiyini deyib.
Lakin FİFA deyilənlərin sübut olunacağı təqdirdə, futbolçunun cəzalandırılacağını bildirib.
Belə olan halda, Messini 2 oyundan 4 oyuna qədər cəza gözləyir.

Gunaz.az