Rusiyanın Nijni-Novqorod şəhərində telejurnalist Denis Suvorov qətlə yetirilib.
ONN media xəbər verir ki, 27 yaşlı jurnalistin cəsədi dünən Kazan gölü sahillərində tapılıb. Onun üzərində zorakılıq əlamətləri aşkarlanıb. Faktla bağlı cinayət işi açılıb, istintaq gedir.
Qeyd edək ki, Denis Suvorov yerli telekanalda səhər proqramını aparıb. Bundan başqa o, radio-tamaşaları səsləndirib, “vestinn.rf” saytının redaktoru olub.
