APA-nın yerli bürosunun xəbərinə görə, bu gün səhər saatlarından əsməyə başlayan külək bu saatlara kimi davam edir. Küləkli havaəsasən elektrik təsərrüfatına ziyan vurub. Səhər saatlarından etibarən Ucar şəhəri də daxil olmaqla, rayonun bir neçə yaşayış məntəqəsində enerjinin verilişində fasilələr yaranıb. "Azərişıq” ASC-nın Ucar Rayon Elektrik Şəbəkəsindən verilən məlumata görə, enerji təminatında yaranan fasilələr naqillərdə baş verən problemlə əlaqədardır. Artıq problem yaranan ərazilərdə təmir işləri aparılır. Yaxın saatlarda əhalinin enerji ilə təminatında yaranmış problem aradan qaldırılacaq.
